Türkiyənin Privia Security A.Ş.-nin rəhbərlik heyəti komandamızla görüşdü.

Kiber Təhlükəsizlik Platformasın Kibertəhlükəsizlik Akademiya tələbələri Trendyolun dəstəyi ilə icra edilən təcrübə və təlim proqramı çərçivəsində yaranmış imkanla Türkiyənin Privia Security A.Ş.-nin rəhbərlik heyəti və kibertəhlükəsizlik komandası ilə görüşdü. Görüş əsnasında gənclərimizə şirkətin nəzdində fəaliyyət göstərən imkanlar tanıdıldı və mütəxəssislər tərəfindən tələbələrimizə müxtəlif karyera məsləhətləri verildi. Sonda Privia Security əməkdaşları tərəfindən gənclərimizin istifadəsi üçün Platformamıza, sahə üzrə peşəkar mütəxəssislərin yazarı olduğu xeyli sayda kitablar bağışlandı.

Xüsusi ilə nəzərinizə çatdırmaq istəyirik ki, Kiber Təhlükəsizlik Platforması və Privia Security şirkəti arasında gənclərin inkişafı istiqamətində müxtəlif istiqamətlərdə əməkdaşlıq icra ediləcək. Əməkdaşlıq çərçivəsində şirkətin əsas resurslarından “PriviaHub” Cyber Range Platform-nun yaxın günlərdə gənclərimizin istifadəsinə veriləcək. Həmin platformanın ilk istifadəsi Kiber Təhlükəsizlik Platformasının texniki dəstək verdiyi tərəfdaşımız MilliSec şirkətinin ödənişsiz əsaslarla təşkil etdiyi genişmiqyaslı təcrübə proqramında istifadə olunacaq. PriviaHub Akademiyamızın tələbələri üçündə günün istənilən saatında əlçatan olacaq.

Gənclərimizə göstərdiyi qonaqpərvərliyinə görə Privia-şirkətinin rəhbəri Eyüp ÇELİK və Ramin Karimkhani başda olmaqla bütün komandaya təşəkkür edirik.