Oktyabr ayının kibertəhlükəsizlik üzrə maarifləndirmə ayı olduğu nəzərə alınaraq, 23 oktyabr 2024-cü il tarixində Kibertəhlükəsizlik Platforması və Azərbaycan Kibertəhlükəsizlik Təşkilatları Assosiasiyasının (AKTA) birgə təşkilatçılığı ilə Bakı Dövlət Universitetində “InfoSEC 2024” layihəsinin dördüncü tədbiri həyata keçirilib.
Tədbir yerli və beynəlxalq ekspertlərin iştirakı ilə kibertəhlükəsizlik sahəsində bilik və təcrübə mübadiləsinin aparılmasında mühüm rol oynayıb. Tədbirdə informasiya təhlükəsizliyinin təmin olunması sahəsində əsas problemlər, risklərin idarə olunması, yeni texnologiyaların tətbiqi və kibertəhlükəsizliyin inkişafına yönəlmiş ən son həllər barədə müzakirələr aparılıb. İştirakçılar həm dövlət, həm də özəl sektor nümayəndələrindən, ekspertlərdən, eləcə də bu sahə üzrə təhsil alan tələbələrdən ibarət olub.
